Реал Мадрид е последниот патник во плејофот на Евролигата

18 април 2025 - 22:37

Шпанскиот гигант Реал Мадрид триумфира против Баерн со 93-71 и го обезбеди последниот билет за плејофот во Евролигата.

„Кралскиот клуб“ доминираше од почетокот на натпреварот и првата четвртина ја доби со 33-17 кога ја создаде највисоката предност, по што Баерн не успеа да фати резултатски приклучок и мораше да се збогува со европското натпреварување.

Хезоња беше најефикасен во победничкиот тим со 21 поен, додека Нејпир запиша 19 поени за Баерн.

Во четвртфиналето на Евролигата ќе се соочат:

Олимпијакос – Реал Мадрид
Панатинаикос – Анадолу Ефес
Монако – Барселона
Фенербахче - Париз