Јунајтед пак ќе го засилува нападот - сега го сака фудбалерот на Баер

15 април 2025 - 08:59

Откако претходните две години донесе неколку напаѓачи и тотално промаши со нив, Манчестер Јунајтед претстојното лето повторно ќе се обиде да се засили на таа позиција.

Следен приоритет за клубот од Олд Трафорд е чешкиот репрезентативец Патрик Шик кој игра одлично во тимот на Баер. Искусниот голгетер има голема желба да заигра во Премиер лигата и покрај тоа што доби понуди од Саудиска Арабија, а отштетата која ќе ја бара Баер за него изнесува меѓу 25 и 30 милиони евра.

Шик игра во Баер од 2020 година, а во тековната сезона, на 26 натпревари во Бундеслигата постигна 17 гола.