Спектакл: Далас ќе го пречека Дончиќ со порака на неговиот мајчин јазик (ФОТО)

09 април 2025 - 19:55

Вечерва од 01:30 часот по полноќ ќе се игра натпреварот помеѓу Далас и Лос Анџелес Лејкерс во кој во центарот на вниманието ќе биде Лука Дончиќ.

Дончиќ за првпат од заминувањето ќе се врати на местото каде што го изгради своето име во НБА лигата, а на трибините ќе има и кореографија на словенечки јазик во негова чест.

На секое столче во салата ќе стои маица со натпис на словенски „Ти благодариме за се“.

Словенечкиот кошаркар беше вистински лидер на паркетот за Далас, но клубот одлучи да го пушти да замине во Лејкерс во големиот трејд со Ентони Дејвис.