Грчки репрезентативец од Олимпијакос ќе го облече дресот на РК Охрид (ВИДЕО)

04 април 2025 - 13:13

Суперлигашот Охрид продолжува со формирање силен тим за следната сезона, откако денеска го промовира најновото засилување - грчкиот кружен напаѓач Николаос Лиапис.

Станува збор за 25-годишен ракометар, висок 192 сантиметри, кој доаѓа од Олимпијакос, кој претходно настапуваше и за АЕК Атина. Лиапис е стандарден репрезентативец на Грција, има настапувано во сите младински категории, а беше дел и од ЕХФ Шампионатот во 2019 година, кој се одржа во Македонија. Освен во домашното првенство, има интернационално искуство од настапите во шпанскиот Адемар Леон.

Гркот со Охрид потпиша договор на најмалку две години, а неговото доаѓање е уште еден чекор во амбициозната изградба на тимот. Клубот веќе го ангажираше новиот тренер Борис Ројевиќ, како и ракометарите Тилен Стрмљан, Иван Иванковиќ и Предраг Вејин.