Стравично излетување на тренинг во Сузука – со 250 км на час се заби во „ѕид“ (ВИДЕО)

И покрај тоа што болидот претрпе сериозни оштетувања, австралискиот возач успеа без повреди да излезе од кокпитот. Најверојатна причина за несреќата е дефект на ДРС системот, кој не се затворил на време, што довело до нестабилност на задниот дел од болидот при голема брзина. Тренингот беше во прекин 25 минути, но веднаш по неговото продолжување, следеа нови инциденти. Фернандо Алонсо заврши во песокот откако при влез во кривина закачи трева, а недолго потоа избувна мал пожар покрај патеката. Засега не е познато како дошло до пожарот, особено имајќи предвид дека температурата на Сузука била само 14 степени целзиусови.

На првиот тренинг најбрз беше Ландо Норис од Мекларен, а зад него се најдоа Џорџ Расел од Мерцедес и Шарл Леклер од Ферари. Седумкратниот светски шампион Луис Хамилтон заврши како четврти, а актуелниот првак Макс Ферстапен од Ред Бул беше петти. Шести се пласираше Јуки Цунода, новиот втор возач на Ред Бул.

На скратениот втор тренинг, пак, најдобро време забележа вториот возач на Мекларен, Оскар Пјастри, по што следеа Норис и Исак Хаџар од Рејсинг Бул. Хамилтон повторно беше четврти, додека петтото место му припадна на Лијам Лосон, исто така од Рејсинг Бул.

Третиот тренинг и квалификациите се возат во текот на утрешниот ден, а трката за Големата награда на Јапонија е закажана за в недела, со почеток во 7 часот наутро по македонско време.