Гвардиола: Нè чекаат уште девет финалиња во борбата за место во ЛШ

16 март 2025 - 11:16

Манчестер сити вчера ремизира против Брајтон (2-2) и испушти шанса да направи чекор напред во битката за пласман во Лигата на шампиони (ЛШ).

Тренерот на „граѓаните“, Пеп Гвардиола беше разочаран по ремито и кажа дека до крајот на сезоната ги чекаат уште девет финалиња.

„До крај ќе ни биде тешко. Имаме девет натпревари, односно девет финалиња во борбата за место во ЛШ. Оптимист сум, но имаме многу работа“, кажа Гвардиола.

Гигантот од „Итихад“ се наоѓа на петтата позиција со 48 бодови, односно еден помалку од Челси.