Денвер му ја продолжи агонијата на Лос Анџелес Лејкерс (ВИДЕО)

15 март 2025 - 08:44

Екипата на Денвер се врати на второто место на табелата во Западната конференција откако ноќеска славеше во дербито со Лос Анџелес Лејкерс со 131-126.

Гостите на овој меч настапија драстично ослабени бидејќи освен Леброн Џејмс, не играше ни Лука Дончиќ, како и Џексон Хејс, Доријан Фини Смит и Руи Хачимура, па го доживеаја четвртиот пораз во низа кој ги однесе дури на петтото место на табелата. И така ослабени, Лејкерс долго време му парираа на противникот, во првата четвртина имаа и 14 поени предност, а и во финишот беа во водство.

Денвер ја презеде контролата над резултатот во вториот квартал, Лејкерс се вратија во водство во последната четвртина кога поведоа со 111-106, па ситуацијата мораа да ја спасуваат Јокиќ и Мареј. Првиот постигна кош под фаул, а вториот погоди важна тројка и Денвер дојде до исклучително важна победа во финишот од сезоната.

И покрај тоа што не играа првите ѕвезди, Лејкерс ги имаа најефикасните играчи во Ривс кој постигна 37 и Нехт со 32 поена. Јокиќ го предводеше Денвер со 28, додека Мареј реализира 26.

РЕЗУЛТАТИ
Мајами - Бостон 91-103
Филаделфија - Индијана 100-112
Атланта - ЛА Клиперс 121-133
Хјустон - Далас 133-96
Мемфис - Кливленд 124-133
Минесота - Орландо 118-111
Сан Антонио - Шарлот 134-145
Денвер - ЛА Лејкерс 131-126
Јута - Торонто 118-126
Феникс - Сакраменто 122-106