Сензација во Индијан Велс: Руското тинејџерско чудо ја елиминира Швјонтек

15 март 2025 - 08:28

Младата руска тенисеркка Мира Андреева се пласира во финалето на Индијан Велс откако ноќеска го елиминира бранителот на титулата на овој турнир Ига Швјонтек со 2-1 (7-6, 1-6, 6-3).

Андреева има само 17 години, но сезонава веќе оствари неколку забележителни резултати и многумина ѝ предвидуваат блескава кариера и прво место веќе во 2025. Со триумфот против Швјонтек, таа веќе се искачи на осмото место на ВТА листата, а ако победи во финалето, ќе напредува уште две позиции.

Единствената криза на мечот со Швјонтек, таа го имаше во вториот сет кој го загуби со 1-6. Првиот го доби во тај-брејк со 7-1 откако двете тенисерки си разменија по еден брејк, додека во вториот рано освои два сервис-гема на противничката за водство од 4-1 и потоа без проблеми го приведе натпреварот кон крајот.

Во финалето, Андреева ќе се сретне со првата светска тенисерка Арина Сабаленка која со 6-0 и 6-1 ја совлада Медисон Кис од САД.