Избрани најдобрите во ПЛ: Салах се израмни со Кејн и Агуеро, Мојс со Пеп

Салах признането за играч на месецот го освои седми пат во својата кариера со што го израмни рекордот на поранешнио напаѓач на Тотнем, Хари Кејн и екс-напаѓачот на Манчестер сити, Серхио Агуеро.

Египетскиот фудбалер во изминатиот месец на шест натпревари во дресот на Ливерпул постигна шест голови и подели четири асистенции. Салах со голот и асистенцијата против Манчестер сити стана и првиот фудбалер во Премиер лигата кој забележал по гол и асистенција во двата натпревари против актуелниот шампион.

На вкупно 29 натпревари во најсилната англиска конкуренција Салах има 27 голови и 17 асистенции.

За најдобар тренер избран е Дејвид Мојс кој 11-ти пат во кариерата стигна до вакво признание и така се израмни со Пеп Гвардиола на вечната листа. Повеќе пати најдобри тренери во месецот биле само Алекс Фергусон и Арсен Венгер.