Почнува судењето за смртта на Марадона, докторите ги чека затворска казна до 25 години

11 март 2025 - 12:20

Денеска во Буенос Аирес почнува судењето за докторите кои се грижеле за здравјето на легендарниот Диего Армандо Марадона пред да почине на 25 ноември 2020 година.

Обвинителството заклучи дека докторите кои се грижеле за него не посветиле доволно внимание и неговата смрт можела да се избегне.

На обвинителната клупа ќе се најдат седум лица, меѓу кои се неврохирургот, психијатарот и психологот на Марадона. Осомничените демантираат дека направиле нешто погрешно и сметаат дека Аргентинецот бил тежок пациент кој не дозволувал да биде лекуван.

Судењето се очекува да трае неколку месеци, а на секој од осомничените им се заканува затворска казна до 25 години.