Тренерот на Аталанта полуде на свој фудбалер: Тој е најлош, а реши да шутира!

Тимот од Бергамо синоќа загуби домашен терен од Бриж (1-3) по поразот во првиот меч во Белгија (1-2). Гостите доминираа во првото полувреме и поведоа со 3-0, а надежта за Аталанта се разгоре на почетокот на вториот дел, кога Лукман намали на 1-3 само триесет секунди по влегувањето во игра. Хуан Квадрадо во 60. минута избори пенал, но Лукман ја презеде одговорноста и шутираше слабо, што му овозможи на голманот Симон Мињоле лесно да го одбрани ударот.

„Не смееше да го изведе пеналот. Тој е еден од најлошите пеналџии што сум ги видел. Ја зеде топката затоа што беше во еуфорија по голот, но има многу низок процент на реализација, дури и на тренинзи често промашува. На теренот беа Де Кетеларе и Ретеги, кои требаше да шутираат. Не ми се допаѓа тоа што го направи“, остро реагираше Гасперини по натпреварот.