Eвролигата со нови казни за Звезда и Партизан, ќе се затвори и дел од арената

07 февруари 2025 - 14:45

Дисциплинската комисија на Евролигата донесе одлука за нови казни за Партизан и Црвена Звезда поради инцидентите кои се случија во дербито изминатиот петок во рамките од 24. коло.

Партизан како домаќин доби поголема парична казна, но освен тоа дел од арената ќе биде затворен за наредниот натпревар.

„Партизан е казнет со парична казна во износ од 50.000 евра, а следниот натпревар ќе го игра со ограничен капацитет од 80% од салата, вклучивајќи и затворање одредени сектори. Причина е однесувањето на навивачите и инцидентите кои ги направија во текот на натпреварот“, стои во соопштението.

Звезда исто така е казнета поради однесувањето на навивачите.

„Црвена Звезда е казнета со 20.000 евра поради инцидентите кои ги предизвикаа навивачите“, соопштија од Евролигата.