Данска е голем фаворит против Хрватска поради една традиција поврзана со Барса

01 февруари 2025 - 11:19

Репрезентациите на Данска и Хрватска утре ќе играат за титулата на Светското првенство, а интересно е тоа што во финалето се среќаваат селекциите на два од трите домаќина на овој Мундијал.

За среќа, мечот ќе се игра кај третиот домаќин, на неутрален терен, во Осло што е можеби најфер во ваква ситуација. Според обложувалниците, Данска е голем фаворит за победа на овој меч и за четврта титула во низа, но Хрватите досега покажаа дека не ги интересираат такви работи за што најдобар доказ беше триумфот против Франција во  полуфиналето.

Има и една традиција која ја прави Данска фаворит пред финалето. Од 2011 година, секој светски шампион во своите редови имал барем еден играч на Барселона, а пред овој натпревар, само Данците можат да се пофалат дека го исполнуваат тој услов. Тоа е голманот Емил Нилсен кој од 2022 година е член на „каталонците“ и е еден од најдобрите на својата позиција во светот.