Сити не запира: Гвардиола за 60 милиони евра добива големо засилување од Порто!

01 февруари 2025 - 09:53

Манчестер Сити дефинитивно е тимот што го одбележува јануарскиот преоден рок, откако според најновите информации на најдобриот фудбалски инсајдер Фабрицио Романо, „граѓаните“ одлучиле да ја платат откупната клаузула за членот на Порто, Нико Гонзалес.

Станува збор за 23-годишен фудбалер од средниот ред, кој има клаузула во договорот вредна 60 милиони евра. Гонзалес ја напушти Барселона во 2023 година поради жестоката конкуренција, иако добиваше минутажа под водство на Чави. Претходно, играше на позајмица во Валенсија, но не сакаше да чека подолга шанса, што му овозможи на Порто да го ангажира за осум милиони евра.

Доколку Сити ја активира клаузулата, Порто ќе заработи 36 милиони евра, а Барселона 24 милиони. Овој приход би можел да им помогнал на Каталонците да го финансира потенцијалното доведување на Маркус Рашфорд на позајмица до крајот на сезоната.