Манчестер сити се крена од бездната и го победи Клуб Бриж (ВИДЕО)

29 јануари 2025 - 22:53

Англискиот шампион Манчестер сити славеше против Клуб Бриж со 3-1 во последното коло од првата фаза во Лигата на шампиони (ЛШ) и се избори за плејоф.

Манчестер сити беше шокиран во 45. минута кога Клуб Бриж преку Ониедика стрелаше за 1-0, но Пеп Гвардиола ги разбуди своите ѕвезди на полувреме, по што најпрво Ковачиќ стрелаше за 1-1, а потоа Ордонез си постигна автогол за целосен пресврт.

Победата на „граѓаните“ ја запечати Савињо во 77. минута од дуелот, кога погоди за 3-1 и му донесе важен триумф на премиерлигашот.