Јовиќ добива уште една голема шанса да ја оживее кариерата

15 јануари 2025 - 15:52

Српскиот напаѓач Лука Јовиќ не се прослави ниту во редовите на Милан, откако неговата кариера тргна во надолна линија по заминувањето од Ајнтрахт Франкфурт во Реал Мадрид.

„Росонерите“ не планираат да го задржат Јовиќ во вториот дел од сезоната, а Србинот наводно веќе постигнал договор со Монако и до крајот на неделата треба да биде промовиран како ново засилување.

Милан е подготвен да му го прекине договорот на Јовиќ и така ќе заштеди три милиони евра до крајот на сезоната, а српскиот напаѓач ќе добие шанса да ја оживее кариерата.