Хајдук најгледан во екс СФРЈ, Вардар и Пелистер при дното!

10 јануари 2025 - 15:40

Посетеноста на македонските фудбалски терени подолго време е проблем, а тоа го покажува и просекот на навивачи кои присуствувале во првиот дел од актуелната сезона.

Имено, македонските претставници во друштвото на најгледани клубови на овие простори се Вардар и Пелистер кои се на дното. Вардар со просек од 2.133 гледачи по натпревар е на 17. позиција, додека Пелистер со 2.092 е претпоследен.

Далеку на врвот е екипата на Хајдук и тоа со дури повеќе од двојно гледачи во однос на големиот ривал Динамо Загреб. 

Причина за ваквата посетеност секако има и ситуацијата на табеата во Хрватска каде што Хајдук е второпласиран, но со ист број на бодови со Риека (36), додека Динамо е трет со седум помалку. Кога е посетеноста во прашање Риека е на седмото место од балканската табела со 4.787 гледачи по натпревар.

Како најпријатни изненадување може да се издвојат екипоте на Железничар (9.6111), Сарајево (8.512) и Осиек (6.405).