Дојде ред и холандски второлигаш да си игра мајтап со Манчестер Сити! (ФОТО)

18 декември 2024 - 11:43

Холандскиот второлигаш МВВ Мастрихт вчера загуби со 1-2 од Феенорд во 2. коло од холандскиот куп, а по мечот се пошегува со Манчестер Сити преку социјалните мрежи.

Манчестер Сити е во неверојатна криза, на последните 11 натпревари има само една победа, актуалниот англиски шампион падна до степен и холандски второлигаш да се шегува со него.

Во Лигата на шампионите, Манчестер Сити водеше со 3-0 против Феенорд и не успеа да победи, мечот заврши 3-3.

МВВ Мастрихт по вчерашниот пораз од Феенорд со 1-2, на социјалната мрежа „Х“ (твитер) се пошегува со Сити.

„Ако сакате да научите како да примите само два гола од Феенорд, јавете ни се“, напиша холандскиот клуб и го тагна Манчестер Сити.