ФФМ: До крај на годината ќе се игра без публика во Првата лига!

02 декември 2024 - 13:38

Комисијата за натпревари на Фудбалската федерација на Македонија (ФФМ) соопшти дека по барање на Министерството за внатрешни работи (МВР) е донесена одлука натпреварите од 17. и 18. коло, кои се последни две рунди за годинава, да се играат без публика.

Двете последни кола од првиот дел од сезоната, кои се закажани за 3 и 8 декември, во Првата лига ќе се играат без присуство на навивачи на трибините.

„Одлуката на Комисијата за натпревари е донесена поради извршена проценка на Министерството за внатрешни работи заради неодамнешните случувања и спречување на било каков вид на насилство и недолично однесување пред, за време и по одигрување на фудбалските натпревари“, соопштија од ФФМ.