Шортс избран за МВП за ноември во Евролигата

02 декември 2024 - 14:43

Американскиот кошаркар со македонски пасош, Ти-Џеј Шортс има неверојатен месец зад себе во Евролигата, па заслужено ја доби наградата за најкорисен кошаркар во елитното натпреварување.

Шортс беше прогласен за МВП, откако на пет натпревари во ноември имаше просек од 19,6 поени и 8,4 асистенции со индекс од 25,2.

Македонскиот репрезентативец го предводеше Париз до пет победи во ноември во Евролигата, а најдобриот настап го имаше против Барселона (103-87) кога постигна 24 поени, девет асистенции и имаше индекс 36.