Нант ја запре победничката серија на ПСЖ во Лига 1 (ВИДЕО)

30 ноември 2024 - 23:14

Францускиот гигант ПСЖ одигра нерешено против Нант (1-1) во 13. коло од Лига 1 и така ја запре победничката серија во домашното првенство.

Ашраф Хакими во втората минута од средбата донесе водство за парижаните и делуваше дека тимот на Луис Енрике лесно ќе ги освои бодовите, но потоа следеше погодок на Матис Аблин за 1-1.

Во второто полувреме мируваа мрежите на двете страни, иако ПСЖ постојано се закануваше кон голот на гостинскиот состав.

ПСЖ остана на прво место со 33 бодови, односно седум повеќе од Монако, додека Нант е на 16. позиција со 11 поени.