Атлетико Мадрид со „петарда“ го разнесе Ваљадолид (ВИДЕО)

30 ноември 2024 - 23:01

Шпанскиот гигант Атлетико Мадрид немаше милост против Ваљадолид (5-0) во 15. коло од Ла Лига, со што се искачи до втората позиција на табелата.

Четвртиот триумф по ред на Атлетико го најави Ленгле во 26. минута, по што до крајот на првиот дел стрелаа и Алварез и Де Пол, но исто така ВАР-технологијата му поништи два гола на Атлетико поради офсајд.

Уште два гола беа постигнати во вториот дел, кога Гризман во 52. минута зголеми на 4-0, а потоа конечниот резултат го постави Сорлот во судиското надополнување.

Атлетико со оваа победа стигна до втората позиција и има 32 бодови, односно два помалку од лидерот Барселона.