„Надал во иднина ќе му биде тренер на Алкараз“

28 ноември 2024 - 19:59

Најдобриот тенисер во историјата Новак Ѓоковиќ договори соработка со поранешниот ривал Енди Мареј, кој ќе му биде тренер, а наскоро идентична улога би можел да добие и Рафаел Надал.

Надал неодамна замина во пензија, а во иднина би можел да му помага на неговиот млад и талентиран сонародник Карлос Алкараз.

Аналитичарот на „Еуроспорт“, Матс Виландер смета дека Надал ќе ја преземе одговорноста да се грижи за кариерата на Алкараз.

„Постои голема можност Надал да стане тренер, а можам да го замислам како го тренира Алкараз. Иако Карлос во моментов има еден од најдобрите тренери, сепак му недостига човек како Рафа“, кажа Виландер.