Башкими загуби на гости кај Скопје, Осогово го наполни голот на Победа

10 ноември 2024 - 15:27

Натпреварот меѓу Скопје и Башкими (2-1) се играше подолго од очекуваното поради инцидентот на крајот на првото полувреме кога навивач влезе на теренот.

По првото полувреме во кое мируваа мрежите, Башкими поведе со гол на почетокот на вторите 45 минути, но потоа Скопје со два погодоци направи целосен пресврт.

Осогово одигра одличен меч против Победа и го запиша вториот триумф во лигата, откако славеше со убедливи 4-1.

Беласица се враќа со празни раце од гостувањето кај Детонит Плачковица, откако домаќините триумфираа со 2-1.

Вардар Неготино беше поразен на домашен терен од Каменица Саса со 0-1, додека Вардарски загуби од Новаци со 0-2.

Резултати - 12. коло - Втора лига:

Борец – Македонија ЃП 0-2
Брегалница – Арсими 2-1
Детонит Плачковица – Беласица 2-1
Скопје – Башкими 2-1
Кожув – Охрид 0-0
Осогово – Победа 4-1
Вардар Неготино – Каменица Саса 0-1
Вардарски – Новаци 0-2

Македонија ЃП е лидер со 29 бодови, по што следи Брегалница со 27, Башкими има 26, а четврти е Арсими со 23 бода.