Ристовски: Ќе ги победиме Борусија Дортмунд и Хајдук!

25 ноември 2024 - 16:18

Динамо Загреб оваа недела ќе одигра неколку важни натпревари, и тоа против Борусија Дортмунд на „Максимир“ в среда од 20.45 часот, како и против Хајдук в недела од 17.45 часот.

Македонскиот фудбалер Стефан Ристовски и убеден дека Динамо Загреб ќе има успешна недела и ќе слави во двата натпревари.

„В среда ни доаѓа сериозен противник со високо реноме. Нè чека тежок натпревар. Треба да направиме добри анализи, да се подготвиме, да покажеме вистинска енергија, пристап и да дојдеме до позитивен резултат во двата натпревари. Ќе победиме во двата меча“, кажа Ристовски.

Динамо Загреб во моментов се наоѓа на третата позиција во хрватската лига со 25 бодови, односно четири помалку од лидерот Хајдук, додека во Лига на шампиони се наоѓа на 16. место со седум поени.