Удинезе не издржа во Бергамо: Аталанта запиша шеста победа по ред во Серија А

10 ноември 2024 - 14:35

Аталанта ја запиша шестата победа по ред во Серија А, откако го надигра Удинезе со 2-1 во 12. коло од италијанскиот шампионат.

Лукман во 13. минута ја затресе мрежата на гостите, но голот му беше поништен поради офсајд. Во третата минута од судиското надополнување Камара ја казни Аталанта и погоди за 1-0.

Екипата од Бергамо не чекаше долго и тргна со сите сили по израмнување, а истото дојде со голот на Пашалиќ во 56. минута, додека Туре со автогол им помогна на домаќините да стигнат до целосен пресврт.

Аталанта има 25 бодови и се наоѓа на делба на првата позиција со Наполи, додека Удинезе е на осмата позиција со 16 поени.