Гвардиола се пожали: Никогаш претходно не сум бил во ваква ситуација

31 октомври 2024 - 12:04

Манчестер сити вчера со поразот во осминафиналето од Тотнем доживеа елиминација во Лига Купот, но поголем проблем за Гвардиола можат да бидат многубројните повреди во тимот.

Во вчерашниот натпревар повреди заработија Аканџи, Рубен Дијаз и Савињо и тие само ја зголемија „болницата“ во редовите на „граѓаните“.

Лошата ситуација по натпреварот ја потврди и Гвардиола.

„Во овој момент имаме само 13 здрави фудбалери и тоа е навистина голем проблем. Девет години сум тука и никогаш претходно не сум бил во ваква ситуација“, изјави Пеп.

Покрај споменатите тројца од претходно повредени се: Кајл Вокер, Кевин Де Брујн, Оскар Боб, Џереми Доку,  Џек Грилиш и Родри за кого сезоната е завршена.