Пелистер ја прифати оставката на Ангеловски и на негово место го врати - Шундовски!
Утринава оставката официјално е прифатена, а притоа е назначен привемеен тренер кој ќе го води тимот на утрешниот натпревар против Веспрем во Лигата на шампионите.
„Ракометниот клуб Пелистер ја прифати оставката на тренерот Бранислав Ангеловски по натпреварот против Алкалоид. Клубот му се заблагодарува на ангажманот, професионалноста и остварените цели во претходните една и пол година. Му посакуваме среќа и успеси во понатамошните професионални предизвици. Клубот наскоро ќе го именува новиот тренер, а дотогаш екипата ќе ја води Звонко Шундовски“, пишува во соопштението од Пелистер.
Шундовски се спомнуваше како можен тренер и минатата сезона, откако отказ доби Александар Јовиќ, но управата на клубот одлучи да му ја даде довербата на Ангеловски.