Ѓоковиќ во опасност да испадне од топ-10 до крајот на годината

Со неиграњето во француската престолнина тој губи 1.000 бода бидејќи таму требаше да го брани трофејот од лани, исто како и во Торино каде би загубил уште 1.300 бода. Во тој случај годината би ја завршил со 3.910 бода што многу веројатно ќе значи излезе од топ-10. Во моментов на десеттата позиција е Алекс де Минор кој има 3.535 бода, а зад него е Стефанос Циципас со 3.235.

Ѓоковиќ неодамна изјави дека повеќе не го интересира првото место на АТП листата бидејќи е рекордер по бројот на поминати недели на врвот со 428 и дека ќе се насочи на настапите на големите турнири. Сепак, ако не игра и во Торино, тоа ќе донесе две лоши работи за него. Прво, последен официјален меч за него до Австралија Опен би било финалето во Шангај каде загуби од Синер, а второ, излезот од топ-10 ќе значи дека уште во осминафиналето во Мелбурн може да се сретне со Синер или Алкараз, а против кои нема добри резултати во последно време.

Единствено добро за него е тоа што во 2024 година не освои многу бодови, па идната сезона ќе има голема шанса значително да го подобри своето конто, па дури и да се бори за самиот врв. Секако, ако за тоа има мотив бидејќи во јуни ќе наполни 38 години, а во Париз веќе ги комплетира сите можни трофеи во кариерата. Во саботата тој рече дека не планира да се пензионира, но прашање е на што е способен во овој период од неговиот живот.