Хаос во Работнички пред стартот на сезоната - отпуштен еден од странските играчи

28 септември 2024 - 19:14

Екипата на Работнички има големи финансиски проблеми пред почетокот на новата сезона поради што ја прекина соработката со еден од своите кошаркари.

Член на Работнички повеќе не е босанскиот интернационалец Његош Сикираш кој ја напушта екипата два дена по дуелот против Сутјеска во АБА 2 лигата. Освен тоа што не покажа ништо посебно на тој дуел, Сикираш е жртва на намалениот буџет на клубот поради што не е исклучено наскоро од Градски парк да си замине уште некој од странците.

Сезоната на Работнички почнува идниот викенд со дуел против Феникс, а во него тимот на Самарџиев најверојатно ќе влезе со тројца странци.