Саинс го бранеше Леклер, па се судри со Перез (ВИДЕО)

15 септември 2024 - 15:50

Крајот од трката за Големата награда на Азербејџан во Баку го одбележа судирот меѓу возачите на Ферари и Ред Бул, Карлос Саинс и Серхио Перез.

На два круга пред крајот, Перез тргна во напад на второто место кое беше во сопственост на Шарл Леклер. Возачот од Монако го одби налетот, а во меѓувреме на помош му дојде тимскиот колега Саинс кој се обиде да го загради Перез и да му отвори повеќе простор на Леклер.

Перез не се предаде, се обиде да го продолжи нападот, но влезе во патеката на движење на Саинс и двајцата завршија во заштитната ограда со скршени болиди. Тоа предизвика прекин на трката и последните два круга се возеа со безбедносно возило.