Ивановски: Цел живот се подготвувам за овој маратон!

09 август 2024 - 12:52

Македонскиот атлетичар Дарио Ивановски ќе ја претставува Македонија на Летните олимписки игри (ЛОИ) во Париз, а пред трката кажа дека се чувствува одлично и е подготвен за трката.

Ивановски посочи дека е подготвен за настапот на трката на која ќе се обиде да оствари што е можно подобар резултат.

„Целиот живот се подготвувам за овој настап. Овие три недели одлично ја темпирам формата. Мојата форма се зголеми и енергијата е прекрасна со сите спортисти околу мене. Се чувствувам подготвен за предизвикот. Очекувам да бидам во првата половина и да истрчам добра трка. Сакам цела Македонија да ужива“, кажа Ивановски.

Трката е закажана за утре, 10 август, со почеток од 8 часот.