Станковиќ има „краток фитиљ“, сакаше да се тепа на дерби во Москва (ВИДЕО)

01 август 2024 - 12:44

Спартак Москва имаше неславен почеток на сезоната, но се созема и конечно запиша два триумфи по ред, а последниот беше против градскиот ривал Динамо Москва во рускиот Куп.

Победата на Спартак падна во „сенка“ на нервозниот тренер Дејан Станковиќ, кој се скара со ривалите од Динамо и за малку беше избегнат сериозен инцидент.

Србинот влезе во клинч со помошник-тренерот на Динамо, а потоа тргна физички да се пресмета, но за среќа четвртиот судија се најде меѓу двете страни и спречи тепачка.