Вардар почна со подготовки – најавени се уште најмалку осум засилувања (ФОТО)
На собирот се појави и Филип Најдоски, кој денеска беше промовиран во прво летно засилување на црвено-црните, кои наскоро ќе ја официјализираат новата сопственичпка структура, новиот спонзор, а со тоа и новите амбиции на клубот.
„Можеби малку доцниме со стартот на подготовките, но битно е да се има желба. Имаме нови спонзори и сопственици и заедно со нив и со нашите 'Комитите' ќе успееме да го вратиме клубот каде што припаѓа - на самиот врв. Не шпекулираме со имиња, како ќе течат разговорите со потенцијалните засилувања ќе ја информираме јавноста. Тука е само Најдоски, другите шпекулации ги отфрламе. Во преговори сме со повеќе фудбалери и верувам дека ќе направиме респектабилен тим. Ни недостасуваат седум до осум нови играчи, за да има конкуренција на секоја позиција. Во тимот го имаме и Дарко Мицевски, кој се врати од повредата и кој ќе ни биде од голема помош“, изјави тренерот Михајлов на првиот тренинг.
На тренингот присуствуваа и „Комити“, кои добија аплауз од фудбалерите за сета поддршка во изминатиот (нај)тежок период за клубот.