Детали за смртта на екс-играчот на Партизан: Со мотор влегол во спротивна насока и се забил во автомобил

01 јуни 2024 - 11:37

Веста за смртта на Дру Гордон два дена е меѓу главните во кошаркарскиот свет, а американските медиуми објавија детали од трагедијата што се случи во Портланд.

Според нив, поранешниот кошаркар под неразјаснети околности преминал во спротивна насока и притоа се судрил со патничко возило. Гордон загинал на лице-место, а двете лица кои се наоѓале во автомобилот се пренесени в болница со повреди кои не се опасни по нивните животи.

Американците наведуваат дека Гордон не бил под влијание на алкохол или наркотични средства, но истрагата уште е во тек.