Како дете се сликал со Адеми, сега држи пехар заедно со него! (ФОТО)

23 мај 2024 - 11:41

Еден од хероите на Динамо Загрев во финалето од хрватскиот куп е 20-годишниот Петар Сучиќ кој го постигна првиот гол во победата од 3-1 над Ријека.

Сучиќ оваа сезона стана еден од најголемите откритија на Динамо Загреб, а клубот на социјалните мрежи му посвети специјален пост.

Сучиќ како дете бил голем фан на нашиот Аријан Адеми, носел негов дрес и се сликал со него, а сега двајцата заедно држат пехар.

„Животот пишува романи... Како мало дете го сонуваше овој свет дрес, а денеска со својата работа и дисциплина ги живееш своите соништа! Подобар ментор и пример не можеше да избереш. Сегашност на Динамо и иднина на Хрватска“, напиша Динамо Загреб и ги сподели фотографиите.