Ново тренерско име на радарот на Барса - Симоне Инзаги

27 февруари 2024 - 21:44

По неколкуте тренери кои се поврзуваа со Барселона последните недели, шпанските медиуми тврдат дека во конкуренција е уште еден трофеен стручњак.

Станува збор за Симоне Инзаги кој со голем успех го води Интер и е на прагот на шампионската титула во Серија А. Минатата сезона тој ги однесе „нераѕурите“ до финалето на Лигата на шампионите што беше огромен успех со оглед на тоа што никој не очекуваше такво нешто, а во меѓувреме триумфираше и во Суперкупот на Италија.

За Барселона има два проблема. Првиот е тој што Инзаги има договор со Интер до 2025 година, а вториот, што за него е заинтересиран и Ливерпул кој го гледа како наследник на Клоп.