Пелистер го зема Симеон Христов за битката за враќање во Првата лига

20 јуни 2023 - 14:56

Битолски Пелистер кој во новата сезона во битка за враќање во Првата лига тргнува со Влатко Костов на кормилото, а вчера задржа осуммина фудбалери од погонот од минатата сезона, го донесе првото засилување и тоа напаѓачот Симеон Христов.

Христов во Пелистер доаѓа откако летово раскина со Гостивар после само полусезона и после обезбедениот пласман на гостиварци во Првата лига, откако изминатава сезона ја започна во Вардар, но зимоска ги напушти црвено-црните поради големата беспарица која веќе подолг период ги тресе црвено-црните

„Благодарност до управата и до тренерот за довербата да бидам дел од тимот и се надевам дека сите заедно ќе успееме во зацртаната цел за влез во ПМФЛ. Ова е мое второ доаѓање во Битола и имам прекрасни спомени од тука. Ова е фудбалски град со голема традиција и навивачи кој заслужува место во ПМФЛ“, рече Христов

Тој е поранешен фудбалер и на Борец, Работнички, Тиквеш, а во Битола доаѓа после цела една деценија.