Поранешен голман на Словенија уапсен поради шверц на имигранти!

Имигрантите претходно влегле од БиХ во Хрватска со чамци, по Сава, а Немец бил еден од оние кои ги спроведувале понааму.

„Во близина на автопатот А3, контролирани се два цивилни автомобили со словнечки регистерски таблички. Едниот од нив го управивал 70-годишен државјанин на БиХ, а вториот 46-годишен државјанин на Република Словенија. Во внатрешноста на едниот автомобил полицајците забележале пет лица, а во другиот пет“, пишувало во официјалниот полициски извештај.

Немец бил потоа уапсен, заедно со четирите лица кои ги пренесувал. Во близина на тоа место, фатени биле и двајца Хрвати, на возраст од 27 и 35 години и еден државјанин на Србија на 36 години, кои исто така биле поврзани со оваа „операција“.

Немец беше член на словенечката репрезентација на ЕП 2000 и на СП 2002, иако како трет голман, без ниеден настап. Во кариерата бранеше во Клуб Бриж, од 2000 до 2003 година, а по пет години мина во Мура и во Домжале.