Петта победа по ред: Ранетиот Јувентус не попушта во битката за Европа (ВИДЕО)

01 април 2023 - 22:38

Фудбалерите на Јувентус минимално, но крајно заслужено дојдоа до нови три бода во Серија, откако на домашен терен ја совладаа Верона (1-0), со што ја продолжија битката за излез во Европа следната сезона и покрај казната од 15 бода што ја добија поради финансиски малверзации.

Моис Кин е јунакот во таборот на „бјанконерите“, со оглед што го постигна победничкиот погодок во 56. минута. Ова беше петти триумф за Јуве во домашното првенство и во Лига Европа, со што само ја потврдија одличната форма.

Тимот од Торино со 44 бодови останува на седмата позиција, но сега со три бода помалку од Рома, која е на последното место кое води во Европа, а која има и натпревар помалку.