Шведска ја победи Естонија, Македонија е во аут!

13 август 2024 - 17:58

Кошаркарската репрезентација на Шведска до 16 години триумфираа против Естонија со 78-77 на Европското првенство (ЕП) Б-дивизија, а тоа значи дека Македонија испадна од трката за четвртфинале на турнирот и ќе разигрува за позициите од деветто до 16. место.

Естонија ја доби првата четвртина со 17-12, но Шведска го возврати ударот во следната четвртина и на паузата замина со 37-37.

Драмата продолжи и во вториот дел каде што двете селекции се менуваа во водство, а на крајот до триумф стигна Шведска со 78-77.

Малком Прајс беше најефикасен кај Шведска со 24 поени, четири скокови и една асистенција, додека Роман Авдејев постигна 20 поени, девет скокови и две асистенции за Естонија.