Никола Груевски оди на проба во италијански четвртолигаш! (ФОТО)
Станува збор за еден од најталентираните македонски кошаркари во моментов, кој до пред извесно време настапуваше за Вардар, а зад себе веќе има и италијанско искуство со оглед што мина четири месеци во Академијата „Некст степ“ од Пиомбино. Груевски игра на центарската позиција, а досега внимание предизвикуваше и поради истото име и презиме со доскорешниот македонски премиер и лидер на политичката партија ВМРО ДПМНЕ.
„Пресреќен сум од шансата шти ја добив. Ми се допаѓа градот, а задоволен сум и од односот на соиграчите“, изјави Груевски.
Македонскиот кошаркар е планиран истовремено да игра за јуниорскиот состав на Гросето (играчи до 18 години), но и за сениорскиот тим кој се натпреварува во Серија Д, а во која пред десетина години настапуваше и сегашниот претседател на МКФ и легенда на македонската кошарка, Петар Наумовски.