Македонија ја декласира Холандија: Младинците ќе се борат за деветто место на ЕП

18 јули 2026 - 20:57

Македонската младинска кошаркарска репрезентација триумфира против Холандија со 89-60 и утре ќе се бори за пласман на деветтото место на Европското првенство (ЕП) од Дивизијата „Б“.

Холандија имаше водство на почетокот од натпреварот (23-16), но Македонија потоа ја презема контролата и доминираше на паркетот, па така на полувремето замина со предност од 48-34.

Македонија продолжи да доминира во второто полувреме и да го полни кошот на Холандија за на крајот да слави со 89-60.

Најефикасен во македонскиот тим беше Ќириловски со 18 поени и шест скокови, додека Марјановиќ запиша 12 поени.

Македонските младинци утре ќе се борат за деветто место на ЕП против победникот од мечот меѓу Босна и Херцеговина и Азербејџан.

Фото: КФМ