Димитријевиќ игра во транс – НБА партија за Нено во првите 20 минути во Клаипеда!

24 ноември 2024 - 19:21

Македонската репрезентација има водство по првото полувреме на вечерашното гостување кај Литванија (46-43) во меч од четвртото коло од квалификациите за ЕП 2025, а најголем „виновник“ за тоа е Ненад Димитријевиќ, кој игра во транс.

Кошаркарот на Армани Милано е незапирлив, погодува од секоја позиција за што најдобар доказ е фактот што првитер 20 минути ги заврши со неверојатни 28 поени. Тој упати вкупно 17 шутеви кон противничкиот кош, а погоди десет пати од кои четири шута беа за тројка, а згора на сето ова има и четири асистенции.

Македонија игра храбро и е на добат пат да покаже дека убедливиот пораз во Скопје е плод на лош ден и на десеткуван состав. Со евентуална победа во Клаипеда шансите за пласман на ЕП и тоа како ќе ни станат реални.