Босанците паднаа кога најмногу требаше - пораз од Полска!

07 септември 2025 - 13:03

Кошаркарската репрезентација на Босна и Херцеговина го заврши настапот на Европското првенство откако во денешното осминафинале против Полска загубија со 80-72.

Селекцијата на БиХ одлично го почна натпреварот, ја доби првата четвртина со 23-14, Полјаците успеаа да намалат во вторите десет минути, но Босанците беа тие кои заминаа со предност на одморот, беше 44-40 за нив.

Но, работите се променија во вториот дел, Полска го сврте резултатот и ја имаше контролата до крајот на натпреварот за победа од 80-72.

Лојд со 28 поени беше најдобриот во селекцијата на Полска, одличен беше и Понитка со 19 поени и 11 скокови. Во составот на БиХ најдобар беше Нуркиќ со 20 поени.

Полска во четвртфиналето ќе игра против селекцијата на Турција.