Српска кошаркарска легенда ќе седне на клупата на милионерите од Дубаи!

10 јуни 2024 - 20:26

Поранешен селектор на српската кошаркарска репрезентација, Александар Ѓорѓевиќ, ќе биде тренер на екипата на Дубаи, која од следната сезона ќе игра во АБА лигата.

Тој се уште е селектор на кинеската репрезентација, но наскоро би требало да биде промовиран во предводник од клупата на составот од Блискиот Исток, чија цел е наскоро да игра и во Евролигата. Ѓорѓевиќ како селектор на Србија освои сребрени медали на Европски и Светски првенства, како и на Олимписките игри во Рио де Жанеиро.

Поранешниот фантастичен плејмејкер ги предводеше екипите на Фенербахче, Виртус Болоња, Баерн, Панатинаикос, Тревизо и Олимпија Милано.