Партизан ангажира тренер чиј последен меч беше пред четири години кога доби отказ во – Скопје!
Тогаш тој седеше на клупата на Будуќност, а клучно за неговото заминување беше поразот од Карпош Соколи во ноември 2016 година во меч од АБА-лигата. Оттогаш работеше само како помошник, прво во Бамберг, а потоа и во Партизан, каде што сега добива шанса да го предводи црно-белиот состав.
Четирите месеци минати како стратег на „ѓетиќите“ од Подгорица се единственото искуство на Шчепановиќ како прв стратег, што делумно ги загрижува навивачите на гигантот од Белград. Тој е прославен поранешен кошаркар со светско и европско злато со СР Југославија, како и со четири шампионски титули во оваа земја и две во Грција. Има играно за екипи како Будуќност, Партизан, Ефес Пилсен, Панатинаикос, ПАОК, Гранада...
Шчепановиќ доаѓа на местото на Италијанецот Андреја Тринкијери.