На мечот на ТФТ се скандирало „Вучиќ е пе*ер“ - домаќинот е парично казнет!

21 октомври 2025 - 12:16

Екипата на ТФТ со победа на гостувањето кај Раднички Крагуевац (84-78) го почна настапот во АБА2 оваа сезона, во меч кој дефинитивно е еден од наконтроверзните од првата рунда поради што домаќинот е казнет со 500 евра.

Причина за ова е скандирањето на дел од публиката во Крагуевац со популарни политички слогани меѓу кои се и навредите кон актуелниот српски претседател, Александар Вучиќ.

„Неколку пати за време на натпреварот, но недоволно гласно и убедливо, дел од публиката пееше актуелни српски народни песни како што се: 'Пумпај, пумпај' и 'Вучиќу ПЕ*ЕРУ'', се вели во изветајот на делатот на оваа средба.

Идентична казна од 500 евра е изречена и за тимот на Војводина, чиј тренер, Павле Рогановиќ, бил исклучен поради две технички грешки на средбата против Приморје, а потоа продолжил да го навредува и да му се заканува на главниот судија, нашиот Александар Давидов.