Јончевски повеќе не е тренер на полски Шлонск!

07 април 2025 - 16:11

Селекторот на македонската кошаркарска репрезентација, Александар Јончевски се раздели со полскиот прволигаш Шлонск.

Јончевски поранешниот полски шампион го напушта на само шест кола пред крајот на основниот дел од првенството и тоа во момент кога тимот се наоѓа на позиција која обезбедува плеј-ин.

На клупата на Шлонск Јончевски пристигна во декември кога го наследи српскиот стратег Миодраг Рајковиќ, а отказот доаѓа по последниот пораз во првенството.

Со заминувањето на Јончевски продолжува и трендот на брза тренерска смена во полскиот состав кој промени пет тренери во две сезони.