Грците немаа лек за Јокиќ, нова победа на Србија!

09 август 2025 - 22:33

Кошаркарската репрезентација на Србија со победа над Грција од 76-66 го почна пријателскиот турнир во Кипар кој е дел од подготовките за настапот на Европското првенство, Никола Јокиќ беше најдобар на теренот.

За Србите ова беше трета победа во пријателските мечеви откако ги почнаа подготовките за Евробаскетот, со таа разлика што мечевите во Белград против БиХ и Полска ги играа зад затворени врати.

На денешниот меч против Грција, царуваше Никола Јокиќ кој постигна 23 поени и имаше дури 19 скока, даде и четири асистенции. Немаше друг двоцифрен во составот на Србија, Богдановиќ и Јовиќ постигнаа по девет поени.

Треба да се истакне и дека Грција на овој меч беше без својот најдобар кошаркар, Јанис Адетокумбо. Најефикасен кај нив беше Костас Митоглу со 18 поени.